Aktiviteti fizik luan një rol të rëndësishëm në përmirësimin e shëndetit dhe cilësisë së jetës të fëmijëve nxënës. Sjelljet dhe shprehitë e formuara në moshë të hershme mund të zgjasin gjatë gjithë jetës. Një stil jete aktiv me të paktën 60 minuta aktivitet fizik në ditë sjell mjaft përfitime në shëndet, si dhe ndihmon fëmijët të kultivojnë dhe ruajnë këto sjellje të shëndetshme edhe në të ardhmen.

Organizimi i konkurseve apo garave sportive për fëmijët është tepër e rëndësishme pasi ndjenja e garimit nxit dukshëm përfshirjen dhe praktikimin e aktiviteteve sportive. Gjithashtu kompeticionet e organizuara si: turne sportive, kampionate apo lojra shkollore rekreative bëjnë të mundur përfshijen e fëmijëve në aktivitete të kontrolluara dhe përcjelljen e mesazheve “Pro Aktivitetit Fizik” në formën e duhur.

Ushqyerja është një nga faktorët kryesorë që ndikon në shëndetin e një individi, sidomos gjatë moshës shkollore, me qëllim që fëmija të rritet dhe zhvillohet.Ushqyerja konsiderohet e shëndetshme kur sasia dhe llojshmëria e ushqimeve të marra janë të përshtatshme për të plotësuar nevojat e organizimit për një funskionim normal.Mësuesit dhë shërbimi psiko –social në shkolla duhet të luajë një rol proaktiv në edukimin dhe promovimin e stilit të shëndetshëm të të ushqyerit tek nxënësit.

Shërbimi psiko-social në shkollë luan rol të rëndësishëm në promovimin e mirëqenies mendore dhe fizike të nxënësve, si dhe lehtësimin e procesit të të nxënit. Në bashkëpunim me mësuesit dhe prindërit, stafi i shërbimit psiko-social identifikon e vlerëson nxënësit me probleme të sjelljes ose me vështirësi në të nxënë, harton programe parandaluese sipas nevojave të komunitetit shkollor, ndihmon në parandalimin ose eleminimin e abuzimeve të mësuesve ndaj nxënësve, nxënësve ndaj nxënësve, marrëdhëniet e varësisë së nxënësve nga duhani, alkooli, droga etj.

Praktikimi i sportit promovon kulturën e përkujdesjes për shëndetin fizik dhe mendor, duke ju dhënë mundësi fëmijëve dhe të rinjve të jenë fizikisht aktivë, të përmirësojnë ndërveprimin me bashkëmoshatarët si edhe të modelojnë dëshirën për t’u marrë me sport dhe aktivitet fizik edhe në komunitetin ku jetojnë.