Sfida më e rëndësishme e shoqërisë është edukimi i brezit të ri, dhe jo vetëm në çështjen e arsimimit por dhe duke krijuar një mjedis që ofron veprimtari ekstrakurrikulare. Këto veprimtari bëhen me qëllim për ti mundësuar fëmijëve/ nxënësve një mjedis i cili të ofron shërbime që nxisin interesin dhe motivimin e tyre. Veprimtaritë ekstrakurrikulare lejojnë nxënësit të zhvillojnë diskutime, vizita në institucione apo vende historike, pjesëmarrje në debate etj, duke i motivuar ata për rritur kapacitetet e tyre në fusha të ndryshme.

Aktivitetet kulturore dhe pjesa e argëtimit janë po aq të rendësishme për nxënesit dhe të rinjtë në ambjentet e shkollës sa dhe programet mësimore. Të rinjtë kanë mundësinë që nëpërmjet klubeve të ndryshme të angazhohen duke realizuar aktivitete kulturore të cilat i ndihmojnë ata të shfaqin talentin e tyre në fusha të veçanta por gjithashtu të bëhen dhe më social. Pjesëmarrja në klubet e nxënësve i meson ata të rrisin aftësitë e tyre të komunikimit gjithashtu mësohen dhe me punën në grup.

Fryma e re e ndryshimeve vjen gjithmonë nga të rinjtë, ata janë shpesh nxitës të ndryshimeve sociale.Këto ndryshime ndodhin në qëndrime dhe sjelljen e gjithësecilit.“Tradicionalja e re” që konsiderohet si një ndërthurje e modernes me traditën e vjetër.

Për të patur një komunitet sa më të mirë duhet kontributi i të gjithëve. Ky kontribut mund të jepet nëpërmjet aktiviteteve të ndryshme qofshin këto vullnetare ose jo. Bashkimi i gjithë komunitetit për të realizuar një aktivitet bën që të gjithë të kemi një mjedis më shoqëror dhe gjithëpërfshirës, duke ndihmuar kështu në zgjidhjen e problematikave të përbashkëta, por dhe kalimit të kohës së lire në mënyrë cilësore.

Rastet e bullizmit qoftë ky fizik apo verbal janë kthyer në një shqetësim të madh në mjediset e institucioneve arsimore.Edukimi për parandalimin e bullizmit ka nevojë për një bashkëpunim dy-palësh prindër – mësues, në mënyrë që të përcillet mesazhi i duhur tek fëmijët/nxënësit. Të dyja këto palë duhet të punojnë në të njëjtën linjë komunikimi me fëmijët që ata te jenë në gjendje të dallojnë bullizmin, të dinë disa fakte rreth tij dhe të mos e pranojnë atë. Fëmijët duhet të inkurajohen të bëjnë gjërat që pëlqejnë më shumë, të bëjnë zgjedhjet e tyre në mënyrë që të fitojnë vetëbesim dhe të mund të përballojnë situata të papritura që mund të ndeshin me bashkëmoshatarët e tyre.Shoqëria në përgjithësi duhet të ndihmojnë fëmijët që të mësojnë se si të trajtojnë të tjerë me mirësjellje dhe respekt.