Këshillat e komunitetit duhet të shërbejnë si bazë për një sistem rekreativ të bazuar në barazi sociale dhe me dyer të hapura për të gjithë komunitetin. Në përgjithësi, është shumë i rëndësishëm promovimi i ideve të reja të cilat përfshijnë mundësi të vazhdueshme, rritjen e objektivave për të përmirësuar jetën në komunitet dhe partneritetet shtesë me grupet e komunitetit.

Përmes gjithë përfshirjes rinore dhe angazhimit konkret, Këshilli Rinor i rrethit të Kurbinit synon të ndërtojë një strukturë të qëndrueshme dhe pse jo të transformohet në një Grup Informal i cili mund të angazhohet në zbatimin e projekteve civile.

4 Forumet Rinore, përkatësisht në Mamurras, Gorre, Milot e Laç Këshilli Rinor synuan të transmetojnë e të krijojnë qëndrueshmëri në mendësinë e në kulturën e të rinjve të rrethit të Kurbinit  me qëllim zhvillimin social të komunitetit.  Gjatë këtyre takimeve të cilat u drejtuan nga vetë anëtarët e Këshillit Rinor, diskutimet u mbështetën mbi rëndësinë e respektimit të një platforme vlerash si themel i ndërtimit të një shoqërie të shëndetshme si:

• Rëndësinë e përfshirjes rinore në suksesin dhe qëndrueshmërinë e interesave të komunitetit.

• Ndërtimin e partneriteteve me qëllimin kryesor përfshirjen, fuqizimin dhe zhvillimin e rinisë dhe të mbarë komunitetit.

• Ndërtimin e marrëdhënieve të besueshme dhe të ndërsjella.

• Ndarjen e përgjegjësisë për krijimin e grupeve rinore dhe përfshirjen e tyre.

• Respektimin e diferencave kulturore, moshore, sociale dhe ekonomike.

• Përshtatjen e shpejtë ndaj ndryshimeve në kulturë, teknologji dhe akses të burimeve.

• Dizenjimin e programeve rinore në përshtatje me stadet e zhvillimit rinor.

• Respektimin e gjendjeve emocionale dhe fizike brenda grupeve rinore.