Barleti Group shpk me organizim nga Barleti Training and Testing Center(BTTC) dhe Instituti Shqiptar për Cështjet Publike(AIPA) në kuadër të platformës My School zbatuan programin për realizimin e 8 workshopeve, në datat 22-23 tetor 2020, në qytetin e Lezhës në kuadër të projektit “Shkollat për Shëndetin”. Në këto aktivitete moren pjese me 75 pjesëmarrës të targetgrupeve: Punonjës të Promocionit Shëndetësor, Autoritete të Qeverisjes Lokale, Mjekë Familje, Punonjës Psiko-Social Shkollash, Mësues dhe Drejtues Shkollash, Prindër, Nxenes. Projekti u mbështet nga Agjensia Zviceriane për Zhvillim dhe Bashkëpunim(SDC) me zbatim nga Save the Children.

Qëllimi i projektit ishte rritja e ndërgjegjësimit dhe stimulimi i një marrëdhënie më të plotë, të shëndetshme dhe sinergjike midis targetgrupeve të pjesëmarrësve për ti dhënë një rol shumë më të madh edukimit shëndetësor me fokus mirëqenien dhe ruajtjen e shëndetit të fëmijëve.